猪脚姜（老广味）的做法步骤,猪脚姜（老广味）怎么做最好吃

小时候的记忆：每年入冬老妈必然煲猪脚姜，最正就系食完猪脚用姜醋捞饭。

用料  

猪脚姜（老广味）的做法  

1. 广东老姜（小黄姜），姜味够重够辣。北京呢边D普通街市卖噶老姜都唔得，我只能网购。

2. 洗刷干净削好皮。（好鬼麻烦）

3. 拍姜。拍到裂开为止，要注意力道，最好唔好拍到烂晒。

4. 烘姜。烘到两面微黄。呢一步我都唔知点解，老一辈教落冇错噶啦。

5. 猪脚斩件冷水焯熟。（猪手肉多，猪脚筋多，喜好自便）

6. 将猪脚捞起备用。

7. 烚蛋。水滚1分钟关火，浸3分钟捞起，剥壳备用。

8. 甜醋两斤，1000毫升。味道最好噶甜醋系八珍甜醋，但好贵。性价比高就用致美斋，味道都唔错。

9. 由于我个人钟意食酸少少噶，另外加200毫升老陈醋，又酸又香。

10. 煲滚混合醋后放入烘好噶姜、猪脚，要保证醋浸过猪脚同姜，醋滚后文火炆一粒钟。（我直接用慢炖锅，唔会粘底唔使睇火）

11. 一粒钟后放入剥壳蛋，醋浸过蛋再文火炆半个钟。
    
    试味：按照个人酸甜口味加红糖。

12. 食得啦！一定要食姜饮醋，暖胃又补身，捞饭超正！