港式菠蘿包,大大隻,皮酥包軟,一啖咬落去鬆軟且有彈性,特別有口感,就係鐘情於依隻味道。
我做咗一次同二次發酵兩種,兩種方法都一樣咁好食,當然選擇一次發酵慳工夫省時間啦😂
依個配方做9隻包,份量十足,簡單易做,無論係新鮮出爐或等兩三日,口感一樣咁正咁鬆軟(隔日嘅麪包可放入烤箱回溫1~2分鐘,唔回溫都好正),包你食過翻尋味,大家可以試試✌🏻
用料
1.湯種製作: | |
高筋面粉 | 20g |
水 | 100g |
2.麪包底製作: | |
牛奶/水 | 60~70g |
高筋麪粉 | 250g |
奶粉 | 10g |
酵母 | 4g |
海盐 | 4g |
白砂糖 | 40g |
黄油 | 20g |
全蛋液 | 1隻 |
3.酥皮製作: | |
低筋面粉 | 105g |
黄油 | 55g |
白砂糖 | 60g |
泡打粉 | 1/4茶匙 |
蘇打粉 | 1/4茶匙 |
蛋黄 | 12g |
注:雞蛋一隻,取12g蛋黃加入酥皮料上,其餘打散留作最後掃面 |
最簡單最傳統嘅港式菠蘿包的做法
製作湯種:
小鍋放100g清水,加入20g高粉混合一起,開中火加熱攪拌煮至粘稠糊狀,關火備用。製作包底:
將牛奶、高粉、酵母、奶粉、鹽、砂糖、蛋液、湯種放入攪拌桶(牛奶可以用水代替,加入時先預留10g,攪拌後視乎麪粉乾濕再加餘下10g),攪拌至擴展階段,拉開呈鋸齒狀,然後加入黃油繼續攪拌至手套膜
取出麪糰
1.常溫發酵至兩倍大後,拍打排氣,分成9等份,滾圓放入紙杯模2.直接從攪拌桶取出揉好嘅麪糰分成9等份(不用發酵),滾圓放入紙杯模
將烤盤擺入烤箱,進行發酵,38度左右發酵至2倍大,旁邊放一杯溫水,約60左右分鐘。(無經過一次發酵,直接放入烤箱發酵嘅,時間就稍長少少,約80分鐘左右)
製作酥皮:
黃油軟化,加入砂糖打發,加入低粉、泡打粉、蘇打粉攪拌至濕散粉狀後,再加入蛋黃液,用刮刀攪拌均勻,翻拌成團,裝入保鮮袋擺入雪櫃冷藏30分鐘左右備用麪糰發好後,取出冷藏過嘅酥皮料,分成9等份,之前用過嘅保鮮袋用剪刀剪開一邊,再依次分別將滾圓嘅酥皮丸放入保鮮袋裏面,輕輕用手按壓一下
再用麪棍輕輕展開成圓薄片,滾壓一下週邊修整,揭開保鮮袋,取出酥皮
組合製作:
依次將展開嘅酥皮薄片鋪蓋在發酵好嘅麪糰上依次掃上蛋液
烤箱預熱,上下火170度,烤18分鐘
新鮮出爐,大大隻,一啖咬落鬆軟有彈性😍
此圖係經過二次發酵嘅出品,麪包密度潲大
此圖係一次發酵出品,麪包密度比較細
兩款製作都一樣咁好食,皮酥包軟好有彈性,超正😋
小贴士
組合酥皮時,先鋪一層保鮮膜,放上酥皮丸子,再鋪一層保鮮膜,用手輕壓扁後,再用麪棍輕輕展開成薄片,輕輕滾壓一下週邊,提起鋪蓋係發酵好嘅麪包上,這種做法比較容易方便 ,不易爛。(也可用保鮮袋更方便,上面操作過程有介紹)
一次或二次發酵同樣咁好食,我建議用一次發酵,慳工夫省時間😂
隔日嘅麪包想皮酥包軟,可放入烤箱,選擇吐司功能,回溫1~2分鐘即可,同啱出爐一模一樣。
本人好懶寫菜譜😜🤣